Tusken Fryske dream en Nederlânske macht fjirtich jier Frysk nasjonale partij

Dit sliednisboek oer de Fryske Nasjonale Partij is it earste boek yn Nederlân oer in regionale politike partij. It is skreaun troch de âld-sjoernalist en histoarikus Kerst Huisman (1940). De oanlieding ta it skriuwen fan dit boek wie it fjirtichjierrich jubileum fan de partij, dat begjin 2002 fierd is. It boek giet oer de minsken yn de FNP, en oer de stânpunten fan dizze Fryske partij en de tinkbylden dy't dêr libje en ta utering kommen binne oer wurkgelegenheid, finansjele ferhâldingen, miljeu en lânskip, lânbou en natuer, asylsikers, de ferhâldng doarp-stês, rekreaasje, ferkear en ferfier, fraachstikken fan oarloch en frede, kultuer en taalbelied. Boppedat is der omtinken foar de foarskiednis, dy't al yn de njoggentjinde ieu begjint. Der is ek in haadstik oer programma's en ideology fan de FNP, dêr't saken as federalisme en nasjonalisme jouwe in aardich byld fan fjrtich jier partijskiednis. De tekst is kritysk hifke troch de âld-heechlearaar (en âld-foarsitter fan de FNP) Tony Feitsma.